विक्रेत्यासह मद्याचा माल घेणारा अटकेत

पनवेल (वार्ताहर) - राज्य उत्पादन शुल्क पनवेल शहर विभाग यांनी गोवा राज्य निर्मित विदेशी मद्य तस्करीवर धडक कारवाई करून ६६ हजार रुपये किंमतीचा मुद्देमाल जप्त केला आहे. याप्रकरणी मद्याची विक्री करणारा आरोपी निखिल तामघाडे याच्यासह त्याच्याकडून माल घेणारा पंकज नेमोडे अशा दोघांना अटक करण्यात आली आहे. याबाबत हकीकत अशी की, दि. २४ डिसेंबर रोजी निखिल अशोक तामघाडे हा इसम मड्याव छत्रपती शिवाजी महाराज टर्मिनल तेजस एक्सप्रेसने गोवा राज्य निर्मित आणि विक्रीसाठी असलेल्या दारुने भरलेली बॅग घेऊन विक्रीच्या उद्देशाने उतरणार असल्याची माहिती राज्य उत्पादन शुल्क पनवेल यांना मिळाली होती. या माहितीनुसार पथकाने सापळा रचला. मात्र आरोपीला चाहूल लागल्याने त्याने ती बॅग प्लॅटफॉर्मवर टाकली आणि रेल्वेमध्ये पुन्हा चढून रेल्वे बरोबर पुढे निघून गेला. यावेळी विभागाद्रारे जलद पद्धतीने व्युव्हग्चना आखण्यात आली आणि योग्य नियोजन करून ठाणे रेल्वे स्टेशन येथे माल घेण्यासाठी आलेला आरोपी पंकज नीलकंठ नेमोडे यास अटक केली. नंतर मुख्य आरोपी निखिल याला छत्रपती शिवाजी महाराज टर्मिनल मुंबई येथे अटक करण्यात आली आहे. या कारवाईतून ६६ हजार ३२५ रुपये किंमतीचा मुद्देमालही जप्त करण्यात आला. सदरची कारवाई निरीक्षक भानुदास फणसेकर, दुय्यम निरीक्षक योगेंद्र लोळे, कृष्णा देवरे, योगेश पाडाळे, अजित बडदे, सुरज बुधवाले, क्रषिकेश भोगे यांच्या पथकाने केली.