सारसोळेगावातील अनधिकृत इमारतीच्या बांधकामावर कारवाई

Lokdrushti - Feb 24, 2026 -

सारसोळेगावातील अनधिकृत इमारतीच्या बांधकामावर कारवाई

नेरुळ (वार्ताहर)- नवी मुंबई महापालिका आयुक्त डॉ. कैलास शिंदे यांच्या निर्देशानुसार शहरातील अनधिकृत बांधकामांसह अतिक्रमणांवर कारवाईची मोहिम पुन्हा एकदा तीव्र करण्यात आली असून काल नेरूळ विभाग कार्यक्षेत्रातील सारसोळेगावातील चालु अनधिकृत इमारतीच्या बांधकामावर पालिकेच्या अतिक्रमण विभागाकडून तोडक कारवाई करण्यात आली. अतिक्रमण विभागाचे उपायुक्त कैलास गायकवाड यांच्या मार्गदर्शनाखाली सहाय्यक आयुक्त डॉ अनुराधा बाबर यांच्या निगरानीखाली अतिक्रमण विभागाकडून सारसोळेगावातील चालू असलेले बांधकाम तोडण्याची कारवाई करण्यात आली. या कारवाईप्रसंगी अतिक्रमण विभागाचे पोलिस अधिकाऱ्यांसह कर्मचारी व लेबर उपस्थित होते. जेसीबीच्याच्या साह्याने निष्कासनाची ही कारवाई पार पडली.