शिवसेनेतर्फे इच्छूक उमेदवारांना निवडणूक अर्ज वाटपास सुरुवात
नवी मुंबई (प्रतिनिधी)- आगामी नवी मुंबई महापालिका निवडणूकीच्या पार्श्वभुमीवर विविध राजकीय पक्षांकडून मोर्चंबांधणी करण्यास सुरुवात झाली आहे. त्याचाच एक भाग म्हणून शिवसेना (उद्धव बाळासाहेब ठाकरे) पक्षातर्फे इच्छूक उमेदवारांना नवी मुंबई महानगरपालिका सार्वत्रिक निवडणुकीचे अर्ज वाटप करण्यास कालपासून सुरुवात करण्यात आली. याप्रसंगी शिवसेनेचे नवी मुंबई जिल्हाप्रमुख प्रकाश पाटील, प्रवीण म्हात्रे, शिवसेना महिला जिल्हा संघटक रंजना शिंत्रे, विधानसभा प्रमुख अतुल कुळकर्णी, उपजिल्हा प्रमुख संतोष घोसाळकर, एकनाथ दुखंडे, उपजिल्हा संघटिका रंजना खैरनार आदी उपस्थित होते.
